आखिरी ग़ज़ल

आखिरी ग़ज़ल
Desh Ratna

Wednesday, August 4, 2010

Desh Ratna ki Sangrahika

apane Khuu-e-vafaa se Darataa huu.N aashiqii ba.ndagii na ho jaae ~Bekhud Dehlvi ~

Mumkin nahi ke bazm e tarab phir sajaa sakoon
Ab ye bhi hai bahut ke tumhe yaad aa sakoon
Zauq e nigaah aur bahaaron ke darmiyaaN
Parde gire hain wo ke naa jinko uthaa sakoon
Teri haseeN fizaa me mere ai naye watan
Aisa bhi hai koi jise apnaa banaa sakooN?
Jagannath Azaad


Behzad lucknawi
ab hai Khushii Khushii me.n na Gam hai malaal me.n

ab hai Khushii Khushii me.n na Gam hai malaal me.n
duniyaa se kho gayaa huu.N tumhaare Khayaal me.n
mujh ko na apanaa hosh na duniyaa kaa hosh hai
mast hoke baiThaa huu.N tumhaare Khayaal me.n
taaro.n se puuchh lo merii rudaad-e-zindagii
raato.n ko jaagataa huu.N tumhaare Khayaal me.n
[rudaad = story]
duniyaa ko ilm kyaa hai zamaane ko kyaa Khabar
duniyaa bhulaa chukaa huu.N tumhaare Khayaal me.n
[ilm = knowledge]
duniyaa kha.Dii hai muntazir-e-naGmaa-e-alam
'Behzad' chup kha.De hai.n kisii ke Khayaal me.n
[muntazir = waiting]


UNKNOWN SHAYAR
Do din ki zindagi ka mazaa hamse poochhiye
Ik pal me ik sadi ka mazaa hamse poochhiye
Bhoole hain rafta rafta unko muddatoN me hum
KistoN me khudkushi ka mazaa hamse poochhiye
Jalte diyoN me jalte GharoN jaisi Zau kahaan
Sarkaar raushni ka mazaa hamse poochhiye
Aaghaaz e aashiqi ka mazaa aap jaaniye
Anjaam e aashiqi ka mazaa hamse poochhiye
Hansne ka shauq hamko bhi thaa aap ki tarah
Hansiye magar hansee ka mazaa hamse poochhiye

Majaz arz kertay hain...
kyaa kyaa huaa hai ham se junuu.N me.n na puuchhiye
ulajhe kabhii zamii.n se kabhii aasamaa.N se ham


UNKNOWN
Yun to hote hai mohabbat me junoo ke asaar
Par kuch log bhi deewana bana dete hain


Insha ji kuch isterah ba yan kertay hain, mulahaza ferma ain
us husn ke sache motii ko ham dekh sake.n par chhuu na sake.n
jise dekh sake.n par chhuu na sake.n vo daulat kyaa vo Khazaanaa kyaa


Ek Kaifi saaheb ka bahut hi maarmik (absolute beauty) sher gaur kijiye:
Paya bhi unko kho bhi diya chup bhi ho rahe
Ik mukhtasar si raat me sadiyaaN guzar gayi





saadagii dekh ki bose kii havas rakhataa huu.N, jin labo.n se ki mayassar nahii.n dushnaam mujhe ~Mussafi ~

vasl me.n rang u.D gayaa meraa, kyaa judaa_ii ko muu.Nh dikhaa_uu.Ngaa ~Meer Taqi Meer ~

kyaa taab kyaa majaal hamaarii ki bosaa le.n lab ko tumhaare lab se milaakar kahe baGair ~Bahadur Shah Zafar ~


Here's a 2 liner that I heard somewhere. By Gulzar, I think.
Tumhare gam ki dali utha kar zubaaN pe rakh li hai dekho main
Ye katra katra pighal rahi hai, main katra katra hi jee raha hoon.

Zara kar jor seene par ki teer-e-pursitam nikle
Jo wo nikle to dil nikle, jo dil nikle to dam nikle
-Ghalib

dikhaake jumbish-e-lab hii tamaam kar ham ko na de jo bosaa to muu.Nh se kahii.n javaab to de ~Ghalib

chaar lafzon mein kaho, jo bhi kaho usko, kab furasat sune fariyaad sab ~Javed Akhtar ~
~





Meri qismat me gam gar itna thaa
Dil bhi yaa rab kayi diye hote
I think this one sher describes Ghalib in a nutshell.

ek bose ke talab-gaar hai.n ham aur maa.Nge to gunah-gaar hai.n ham ~Zar Azeemabadi ~


ham ko miTaa sake ye zamaane me.n dam nahii.n ham se zamaanaa Khud hai zamaane se ham nahii.n ~Jigar Moradbadi ~

Khanjar se karo baat na talwaar se poochho
Mai qatl hua kaise mere yaar se poochho
Anup Jalota’s Ghazal

yaad nahii.n kyaa kyaa dekhaa thaa saare manzar bhuul gaye us kii galiyo.n se jab lauTe apanaa bhii ghar bhuul gaye ~ Anonymous

nazar me.n khaTake hai bin tere ghar kii aabaadii hameshaa rote hai.n hai.n ham dekh ke dar-o-diivaar ~Mirza Ghalib ~

lab-e-Khaamosh se izhaar-e-tamannaa chaahe baat karane ko bhii tasviir kaa lahajaa chaahe ~Muzaffar Warsi ~

diivaar khastaa-haal hai aur dar udaas hai jab se ko_ii gayaa hai meraa ghar udaas hai ~Nasir Basheer ~

phirate huye kisii kii nazar dekhate rahe dil Khuun ho rahaa thaa magar dekhate rahe ~Asar Lucknawi ~

JOY’S LINES:-

Raat Kya Dhali,
Sitaare Chale Gaye,
Gairon Se Kya Gila,
Jab Apne Chale Gaye,
Jeet Toh Sakte Thae,
Ishq Ki Baazi Hum bhi,
Unhe Jitaane, Hum Haarte Chale Gaye...


Patthar ke Khuda vahaan bhi paaye
ham chaand se aaj laut aaye
Lailaa ne nayaa janam liyaa hai
Hai Qais koi jo dil lagaaye?
-Kaifi Azmi
ko_ii aahaT ko_ii aavaaz ko_ii chaap nahii.n dil kii galiyaa.n ba.Dii sunasaan hai aae ko_ii ~Parvin Shakir ~






ARZ HAY,
kuchh ishq thaa kuchh majabuurii thii so mai.n ne jiivan vaar diyaa
mai.n kaisaa zindaa aadamii thaa ik shaKhs ne mujh ko maar diyaa
UBAID U. ALEEM

sarakatii jaaye hai ruKh se naqaab aahistaa-aahistaa nikalataa aa rahaa hai aaftaab aahistaa-aahistaa ~Ameer Minai ~

shab-e-vasl aisii khilii chaa.Ndanii vo ghabaraake bole sahar ho ga_ii ~Daag Dehlvi ~

ranj kii jab guftaguu hone lagii aap se tum tum se tuu hone lagii ~Daag Dehlvi ~

vo aaye ghar me.n hamaare Khudaa kii qudrat hai kabhii ham un ko kabhii apane ghar ko dekhate hai.n ~Mirza Ghalib ~

ko_ii aahaT ko_ii aavaaz ko_ii chaap nahii.n dil kii galiyaa.n ba.Dii sunasaan hai aae ko_ii ~Parvin Shakir ~

kisii ke jaur-o-sitam kaa to ik bahaanaa thaa hamaare dil ko bahar-haal TuuT jaanaa thaa ~Naresh Kumar Shad ~

jaur-o-sitam = Tyranny/Torment

dil kaa kyaa ho gayaa, Khudaa jaane kyo.n hai aisaa udaas kyaa jaane ~Daag Delhavi ~

vo ek raat guzar bhii ga_ii magar ab tak visaal-e-yaar kii lazzat se TuuT rahaa hai badan ~Ahmed faraz ~

dil le ke muft, kahate hai.n kuchh kaam kaa nahii.n ulTii shikaayate.n huii.n, ehasaan to gayaa ~Daag Delhavi ~

diivaar khastaa-haal hai aur dar udaas hai jab se ko_ii gayaa hai meraa ghar udaas hai ~Nasir Basheer ~

khastaa-haal = broken/weary/sorrowful

kuchh ho lekin ye merii aadat hai jab vo aaye.n to muskuraa denaa ~Josh Malihabadi ~

shab-e-vasl kyaa muKhtasar ho ga_ii ke aate hii aate sahar ho ga_ii ~Ameer Minai ~

aaj bose un ke gin gin ke liye din gine jaate the is din ke liye ~Qavi Amrohi ~

vo aaye ghar me.n hamaare Khudaa kii qudrat hai kabhii ham un ko kabhii apane ghar ko dekhate hai.n ~Mirza Ghalib ~

"Poochhte hain wo ke 'Ghalib' Kaun hai
Koi batlaaye ke ham batlaayen kya"


Shaayad mujhe nikaal ke pachhtaa rahe hoN aap
Mahfil meN is Khayaal se phir aa gayaa hooN maiN
- Abdul Hameed 'Adam'

Saare musaafiroN se ta'alluq nikal paraa
Gaadi meN ek shakhs ne akhbaar kyaa liyaa
-Aslam Kolsari


Sher kahte ho bahut Khoob tum 'Akhtar' lekin
Achchhe shaayar, yeh sunaa hai, ke jawaaN marte haiN
-Jaan Nisaar 'Akhtar'

le gayaa chhiin ke kaun aaj teraa sabr-o-qaraar beqaraarii tujhe ai dil kabhii aisii to n thii ~Bahadurshah Zafar ~


vasl kaa din aur itanaa muKhtasar din gine jaate the jis din ke liye ~Ameer Minai ~


NAZIM:

DARD-E-DIL KO MEHMAAN BANAA RAKHA HAI
TERI ULFAT KO AANKHON MEIN CHHUPA RAKHA HAI

GHAM-E- DAURAN KI LARZISH SE KADAM BEHAKTE RAHE LEKIN
PHIR BHI AI NAZIM, KOOCHE YAAR MEIN AASHIAAN BANAA RAKHA HAI



ek hangaamaa pe mauquuf hai ghar kii raunaq nauhaa-e-Gam hii sahii naGmaa-e-shaadii na sahii ~Mirza Ghalib ~


_isakaa ronaa nahii.n, kyo.n tumane kiyaa dil barbaad isakaa Gam hai ki bahut der me.n barbaad kiyaa ~Josh Malihabadi ~

ra.nj se Khuugar huaa i.nsaa.N to mit jaataa hai ra.nj mushkile.n mujh par pa.Dii itanii ke aasaa.N ho ga_ii.n ~Ghalib ~


khuugar : accustomed / habituated / used to


Ek wada karo, aab humse na bich.Doge kabhi Naaz hum sare utthaa lenge tum aao to sahi ~ Begum Mumtaz Mirza Sahiba ~

(Naaz: airs / pride / arrogance)


kand-e-lab kaa un ke bosaa be-taqalluf le liyaa gaaliyaa.N khaa_ii.n balaa se muu.Nh to miiThaa ho gayaa ~Maftoon Dehlvi ~

jaan kar sotaa tujhe vo qasa-e-paabosii meraa aur teraa Thukaraa ke sar vo muskuraanaa yaad hai ~Hasrat Mohani ~

use kahanaa ke palko.n par na Taa.Nke Khvaab kii jhaalar samandar ke kinaare ghar banaa ke kuchh nahii.n milataa ~ unknown

ab kyaa bataauu.N mai.n tere milane se kyaa milaa irfaan-e-Gam huaa mujhe dil kaa pataa milaa ~Seemab Akbarabadi ~

go havaa-e-gulsitaa.N ne mere dil kii laaj rakh lii vo naqaab Khud uThaate to kuchh aur baat hotii ~Aga Hashr ~

dekh to dil ke jaa.N se uThataa hai ye dhuaa.N saa kahaa.N se uThataa hai ~Meer Taqi Meer ~

nagarii nagarii phiraa musaafir ghar kaa rastaa bhuul gayaa kyaa hai teraa kyaa hai meraa apanaa paraayaa bhuul gayaa ~Miraji ~

umr bhar re.ngate rahane kii sazaa hai jeenaa ek do din kii aziiyat ho to ko_ii sah le ~Sahir Hoshiarpuri ~

mai.n ne ye kab kahaa ke mere haq me.n ho javaab lekin Khaamosh kyuu.N hai tuu ko_ii faisalaa to de ~Rana Sahri ~


milatii hai Khuu-e-yaar se naar iltihaab me.n kaafir huu.N gar na milatii ho raahat azaab me.n ~Ghalib ~


nahii.n yaa sanam 'Momin' ab kufr se kuchh ke Khuu ho ga_ii hai sadaa kahate kahate ~Momin Kham Momin ~


o aasmaa.N vaale kabhii to nigaah kar kab tak ye zulm sahate rahe.n Khaamoshii se ham ~Sahir Ludhianvi ~


aadatan tumne kar diye vaade aadatan hamne aitbaar kiiyaa ~Gulzar ~

zindagii yuu.N hu_ii basar tanhaa qaafilaa saath aur safar tanhaa ~Gulzar ~

chho.Daa na rashk ne ki tere ghar kaa naam luu.N har ek se puuchhataa huu.N ki jaa_uu.N kidhar ko mai.n ~Mirza Ghalib ~

yaar kii bastii me.n ek chhoTii sii ummiid-e-visaal ajanabii kii tarah phiratii hai ghabaraa_ii hu_ii ~Hafeez Jullundhary ~

dil-e-begaanaa-Khuu, duniyaa me.n teraa ko_ii hamadam ko_ii hamaraaz bhii hai ~Arsh Malsiyani ~

gar Duubanaa hii apanaa muqaddar hai to suno Duube.nge ham zaruur magar naaKhudaa ke saath ~Kaifi Azmi ~

ra.njish hii sahii dil hii dukhaane ke liye aa aa phir se mujhe chhoD ke jaane ke liye aa ~Ahmed Faraz ~


vahii hai zindagii lekin "Jigar" ye haal hai apanaa ke jaise zindagii se zindagii kam hotii jaatii hai ~Jigar Moradabadi ~

ik lafz-e-muhabbat kaa adanaa saa fasaanaa hai simaTe to dil-e-aashiq phaile to zamaanaa hai ~Jigar ~

kab se baitha huwa hoon mein jaanum, sada kaaghaz pe likh ke naam tera, Bus tera naam hi muqaamil hai,Iss se behtar, bhi nazm kyaa hogi ~ Gulzar ~

zindagii kii baat sun kar kyaa kahe.n ek tamannaa thii taqaazaa ban ga_ii ~Himayat Ali Shayar ~

Tamanna = wish/desire/yearning Taqaazaa = Want/Request

baarish hu_ii to ghar ke dariiche se lage ham chup-chaap sogavaar tumhe.n sochate rahe

Khuub gaye pardes ki apane diivaar-o-dar bhuul gaye shiish-mahal ne aisaa gheraa miTTii ke ghar bhuul gaye ~Nazeer Baqri ~

vo Gazal kii sachchhii kitaab hai use chupake chupake pa.Dhaa karo ~Bashir Badr ~


yahii hai zindagii kuchh Khaak chand ummiide.n inhii.n khilauno.n se tum bhii bahal sako to chalo ~Nida Fazli ~

ham bhii tasleem kii Khuu Daale.nge beniyaazii terii aadat hii sahii ~Ghalib ~


kah rahaa hai dariyaa se samandar kaa sukuut jis kaa jitanaa zarf hai utanaa vo Khaamosh hai ~Iqbal ~



kisii ko de ke dil ko_ii navaa sa.nj-e-fuGaa.N kyo.n ho na ho jab dil hii siine me.n to phir muu.Nh me.n zabaa.N kyo.n ho ~Ghalib ~


tujh bin ghar kitanaa suunaa thaa diivaaro.n se Dar lagataa thaa bhuulii nahii.n vo shaam-e-judaa_ii mai.n us roz bahut royaa thaa ~Nasir Kazmi ~


tanhaa_ii ko ghar se ruKhsat kar to do socho kis ke ghar jaayegii tanhaa_ii ~Zafar Gorakhpuri ~

raste me.n mil gayaa to shariik-e-safar na jaan jo chhaao.n maharbaa.N ho use apanaa ghar na jaan ~Parveen Shakir ~


mai.n is liye manaataa nahii.n vasl kii Khushii mere raqiib kii na mujhe bad_duaa lage ~Qateel Shifai ~


baaham shab-e-visaal uThaaye hai.n kyaa maze vo bhii ye kah rahe hai.n 'ilaahii sahar na ho' ~Riaz Khairabadi ~

Jis ki awaaz main salwat hoo nigahon main shikan Aaisee tasveer ke tukde nahi joda karte ~ Gulzar ~


uske paimane meiN kuch hai mere paimane meiN kuch dekh saaqi ho na jaaye tere maikhane meiN kuch ~Nawaaz Deobandi ~

dil naaumiid to nahii.n naakaam hii to hai lambii hai Gam kii shaam magar shaam hii to hai ~Faiz Ahmed Faiz ~

Khaamoshii kaa haasil bhii ek lambii sii Khaamoshii hai un kii baat sunii bhii ham ne apanii baat sunaa_ii bhii ~Gulzar ~

dil se Khayaal-e-yaar ko Taale huye to hai.n ham jaan de ke dil ko sambhaale hue to hai.n ~Fani Badayuni ~


bosaa jo ruKh kaa nahii.n dete lab kaa diijiye hai ye misl-e-phuul nahii.n panKha.Dii sahii ~Zauq ~

ye achchhaa hai ke aapis ke bharam na TuuTane paaye.n kabhii bhii dosto.n ko aazamaa kar kuchh nahiiln milataa ~ ~


umr bhar jalataa rahaa dil aur Khaamoshii ke saath shamaa ko ek raat kii soz-e-dilii pe naaz thaa ~Saqib Lucknawi ~


ab kyaa bataauu.N mai.n tere milane se kyaa milaa irfaan-e-Gam huaa mujhe dil kaa pataa milaa ~Seemab Akbarabadi ~


gar Duubanaa hii apanaa muqaddar hai to suno Duube.nge ham zaruur magar naaKhudaa ke saath ~Kaifi Azmi ~

apane Khuu-e-vafaa se Darataa huu.N aashiqii ba.ndagii na ho jaae ~Bekhud Dehlvi ~

kuuchaa-e-yaar me.n jaane kii kabhii Khuu na ga_ii Thokare.n khaa ke bhii sambhale na sambhalane vaale ~Mohammed Ali Nazir ~

dil-e-begaanaa-Khuu, duniyaa me.n teraa ko_ii hamadam ko_ii hamaraaz bhii hai ~Arsh Malsiyani ~


dil se Khayaal-e-yaar ko Taale huye to hai.n ham jaan de ke dil ko sambhaale hue to hai.n ~Fani Badayuni ~


aaye hai.n bekasii-e-ishq pe ronaa "Ghalib" kis ke ghar jaayegaa sailaab-e-balaa mere baad ~Mirza Ghalib ~




Akhtar Shirani

ai ishq ye kaisaa rog lagaa
jiite hai.n na zaalim marate hai.n
ye zulm to ai jallaad na kar
ai ishq hame.n barbaad na kar

is baar vo milaa to ajiib us kaa r.ang thaa alfaaz me.n tara.ng na lahajaa daba.ng tha ~Himayat Ali Shayar ~



ujaale apanii yaado.n ke hamaare saath rahane do na jaane kis galii me.n zindagii kii shaam ho jaaye ~Bashir Badr ~

No comments:

Post a Comment